JIA бизнес-ассоциациясы Ага Хан Фонду менен биргеликте “Компанияларда стажировка программаларын ишке киргизүү” боюнча эки күндүк тренинг өткөрдү.
Тренинг HR-директорлорго жана компания ээлерине кадрларды башкаруунун заманбап ыкмаларын киргизүүгө жана лидерлик жөндөмдөрүн өнүктүрүүгө багытталган.
Тренинг учурунда катышуучулар стажёрлорду натыйжалуу тандоо, окутуу жана аларды иш процесстерине интеграциялоо боюнча практикалык көндүмдөрдү өздөштүрүштү. Ошондой эле, компания ичиндеги процесстерди оптималдаштырууга жана кызматкерлердин потенциалын ачууга жардам бере турган жаңы ыкмалар талкууланды.
Долбоор «Жергиликтүү өзгөртүү: Азия жана Африкадагы трансформациялоочу өнөктөштүк» долбоору Ага Хан Өнүгүү Уюмдары тарабынан ишке ашырылып, Америка элинин колдоосу менен АКШнын Эл аралык Өнүктүрүү Агенттиги (USAID) жана Ага Хан Фондунун (AKF) жардамы менен ишке ашырылды.
