Wismar Pellets GmbH — Германиядагы эң ири жыгач пеллеттерин өндүрүүчү ишканага иш сапар.
Европадагы иш сапардын алкагында ишкерлер тобу Германиянын Висмар шаарында жайгашкан Wismar Pellets GmbH заводун кыдырып чыкты. Бул компания жыгач пеллеттерин өндүрүү боюнча Европанын алдыңкы лидерлеринин бири болуп саналат.
Заводдун ишмердүүлүгү менен жакындан таанышып, өндүрүш процесстеринин жогорку деңгээлде автоматташтырылышына жана экологиялык стандарттардын так сакталышына күбө болдук. Компания жылына 250 000 тоннадан ашык пеллет чыгарат жана бул үчүн кайра иштетүүгө мүмкүн болгон жыгач калдыктарын гана пайдаланат.
ENplus жана DINplus эл аралык сертификаттары продукциянын сапатын тастыктап турат.
Айрыкча бизди таң калтырганы — ишкананын чоң көлөмдөгү өндүрүшүнө карабастан, бар болгону 60 кызматкер иштейт. Анын ичинен операциондук башкаруу үчүн болгону 3 адам жооптуу.
Бул — заманбап технологиялар менен автоматташтыруунун жогорку деңгээлинин жемиши.
Wismar Pellets GmbH командасына жылуу кабыл алуу жана пайдалуу тажрыйба үчүн терең ыраазычылык билдиребиз!
