Кыргыз жана немис компанияларынын ортосундагы B2B жолугушуу
2024-жылдын 26-сентябрында JIA бизнес-ассоциациясы Тюрингия экономикалык өнүктүрүү агенттиги (LEG Thüringen) менен биргеликте Тюрингия федералдык аймагынын ишкерлеринин делегациясынын визитин уюштуруп, кыргызстандык ишкерлер менен B2B жолугушууларын өткөрдү.
Жолугушуунун жүрүшүндө Тюрингиянын экономикасын стимулдаштыруу маселелери, соода-өнөр жай палаталары менен кызматташуу мүмкүнчүлүктөрү жана Кыргызстандын рыногунун немис инвесторлору үчүн келечеги талкууланды. Бул жолугушуу кыргызстандык жана немис ишкерлеринин ортосундагы байланышты чыңдап, өнөктөштүктү кеңейтүү үчүн мыкты мүмкүнчүлүк болуп берди.
