JIA Бизнес Ассоциацияcы

JIA бизнес-ассоциациясы – Негизги миссиясы Кыргыз Республикасынын өнүгүүсү үчүн ишкерлердин инновациялык, социалдык жоопкерчиликтүү жана ачык коомун өөрчүтүүнү көздөгөн коммерциялык эмес уюм. Биздин ассоциация ишмердүүлүгүндө өзүн өлкөнүн бизнес коомчулугунун ишенимдүү өнөктөшү катары көрсөттү. JIA 15 жылдан ашык убакыттан бери иштеп келет.

Ассоциация Кыргызстанда гана эмес, анын чегинен сырткары дагы 1400дөн ашык компанияларды, чакан, орто жана ири бизнести бириктирет. JIA 2006-жылы республиканын бизнесмендеринин демилгеси менен түзүлгөн. Бүгүнкү күндө бул тармактык комитеттер, клубдар, ишкердикти колдоо борборлору жана мыкты адистери бар көп секторлуу уюм.

Комитеттер жана клубдар

Тармактык комитеттер - бул тармактык адистик-аналитикалык аянтчалардын тутуму. Комитеттердин негизги милдети – белгилүү бир сектордун ишкерлеринин өз ара аракеттенүүсү, ой-пикирлерин, тажрыйбаларын жана маалыматтарын алмашуу үчүн ар кандай форматтагы үзгүлтүксүз жолугушууларды уюштуруу жана өткөрүү. Бул жерде бизнестин айрым секторун өнүктүрүүнүн негизги маселелери талкууланат жана чечилет. Мындан сырткары, жолугушуулар бизнестин кызыкчылыктарын илгерилетүү жана коргоо максатында мамлекеттик институттардын өкүлдөрү менен да өткөрүлөт.

JIA клубдары – бул ассоциациянын мүчөлөрүн бирдиктүү кызыкчылыктары бар топторго бириктирүү. Бул ассоциациянын мүчөлөрүнүн ички өз ара мамилелери үчүн үзгүлтүксүз формалдуу жана формалдуу эмес жолугушууларынын аянтчалары.