Image default

Бизнесте кызмат көрсөтүүнү жакшыртуу боюнча негизги 10 эреже

JIA мүчөлөрү үчүн Казакстандагы кардарларды тейлөө жаатында эксперт, “Технодом” компаниясынын оперативдүү кеңешинин мүчөсү Александр Ли менен вебинар өттү.

Александр Ли өзүнүн карьерасын сатуу боюнча ассистенти болуп баштаган, 6 жылдан кийин 11 млн. $ бюджети бар маркетинг бөлүмүн жетектеп, кызмат көрсөтүү стратегиясын киргизүү аркылу 3 млн. $  үнөмдөгөн;
Көптөгөн компанияларда лоялдуу кардарларды көбөйтүү аркылуу жүз миллиондогон $ үнөмдөп, кирешени көбөйтүүгө жардам берген.
Вебинарда Александр Ли атаандаштыкта кызмат көрсөтүү аркылуу ийгиликке жетүү тууралуу жана карантинде ири компаниялар кандай чараларды көрүп жаткандары тууралуу кеңештери менен бөлүштү.

  1. Позитивдүү маанай. Дүйнөлүк статистикада, оптимисттик сатуучулар пессимисттерге караганда 56% көбүрөөк сатышат. Бүгүнкү күндө көптөгөн компаниялар кризистен улам депрессияга кабылышты. Ошондуктан учурдагы реалдуулукта, айрыкча ишкерлер оптимисттик маанайды сактоосу керек.
  2. Кризис – бул мүмкүнчүлүк. Кризис учурунда компаниялар базардагы ордун (доля) чоңойтууга аракет кылуусу керек. Кризис бүткөндө бат чоңоюуга мүмкүнчүлүк түзүлөт.
  3. Лоялдуу кардарлар. Компаниянын лоялдуу кардарлары өтө маанилүү, себеби кризис учурунда бир гана лоялдуу кардарлар кызматташат. Жаңы кардар тартууга караганда колуңуздагы кардарларды кармап калуу 10 эсе арзан. Көпчүлүк компаниялар маркетинг жана сатуу иштерине гана басым жасашат. Мындай статистика бар, эгерде сиз кардарлардын туруктуулугуна көңүл бурбасаңыз, канчалык көп кардар тартсаңыз да, ошонун баарын жоготуп алышыңыз мүмкүн. Ошондуктан келечектүү компанияны куруу үчүн кызматкерлериңизди окутуп, кардарларыңызды жоготуп албаш үчүн алардын ишенимине кириңиз.

 

4. Эффективдүүлүк формуласы. Натыйжалуулук – жөндөмдүүлүктүн менен мотивациянын айкалашы. Жөндөмдүүлүктү окуп же үйрөнсө болот, демек, мотивацияны табуу маанилүү.

5. Мыкты тейлөө – жашоо стили. Корейлерде “нунчи” деген термин бар – сылыктык, сый-урмат, өз иш-аракеттерин көзөмөлдөй алуу дегенди түшүндүрөт. Бул – жашоонун ажырагыс бөлүгү. Эгерде сизде “нунчи” түшүнүгү болсо, анда сиз үй-бүлөңүзгө, досторуңузга, кесиптештериңизге жана албетте, компанияңыздын кардарларына мыкты кызмат көрсөтө аласыз. Тейлөө кагаз жүзүндөгү стандарт же эрежелер эмес, жашоо нормасы болушу керек.

6. Компанияда узак мөөнөттүү тейлөө маданиятын түзүү

Менде жакшы – Сенде жаман

Менде жаман – Сенде жакшы

Менде жаман – Сенде жаман

Менде жакшы- Сенде жакшы

Алгачкы үчөөсү зыян алып келет жана бирөөсү гана ийгиликтүү – Менде жакшы – Сенде  жакшы. Бул эреже кардарлар, өнөктөштөр жана товар жеткирип берүүчүлөр менен иштешүүдөгү компаниянын тейлөө маданияты үчүн жакшы шарт түзөт.

7. Бактылуу кызматкер кардарды бактылуу кылат

Кардарлар кайтып келиши үчүн ишканада жагымдуу чөйрө түзүү керек. Компанияда жылуу маанайды түзүү үчүн кирүү агымы парадигмасын чыгуу агымына өзгөртүү керек, башкача айтканда, “Мен кардарлар үчүн эмне кыла алам?” деген суроонун негизинде аларга болгон тейлөөнү жакшыртуу керек.  Компания чыгуучу агым боюнча канчалык көп иштей баштаса, ошончолук оң тарапка өзгөрүүлөр көп болот.

  1. Алдын алуу. Кризис жана карантин учурунда кардарлар же өнөктөштөр менен байланышты күчөтүү зарыл, кризистен кийин кызматташуу жеңил жана ишенимдүү болот.
  2. Өнүгүү. Ишкер өзүн өнүктүрүүгө инвестиция жасоодон кысынбашы керек жана бул туруктуу уланып турууга тийиш. Бул жылы өзүмө канча суммалык инвестиция кылдым?
  3. Кызматкерлерге инвестиция. Кол астыңыздагы кызматкерлерди окутуудан жана алардын кетип калуусунан коркпоңуз, тескерисинче, кызматкерлерди окутпоодон коркуңуз. Билимдүү кызматкерлер компанияга көп пайда алып келет.

 

 

Акыркы жаңылыктар

БИЗНЕС-КОНСУЛЬТАНТ РЫСБЕК БЕГМАТОВ: “ПАНДЕМИЯДАН КИЙИН КАНТИП ИШКЕР БОЛОБУЗ?”

“Talent Startups” долбоору старт алды

Требуется PR-менеджер

Дүйнөдө жаңы тартип пайда болууда. Ага кандай даярдыктар көрүлүшү керек?

JIA TRADE (Соодага көмөктөшүү)

Эмне үчүн өкмөт курулуш тармагына көңүл бурушу керек?