Image default

“Бизнес Старт” долбоорунун алкагында 80 катышуучу окутуу программасынан өттү

Өлкөбүздүн 5 облусунда (Баткен, Жалал-Абад, Нарын, Ысык-Көл, Талас) аялуу топтордун өкүлдөрү үчүн Бизнес Старт Кыргызстан долбоорунун алкагында бизнес баштоо боюнча окутуу программалары аягына чыкты. Окутуу программасына катышуу үчүн жалпы 300 дөн ашуун өтүнмө түшүп, көзкарандысыз комиссия тарабынан 80 катышуучу тандалып алынган.

Регионалдык эксперт жана консультанттар ишкердикке киришүү, иш жүргүзүүнүн уюштуруу– укуктук формасын тандоо, маркетингдин негиздери, маркетингдик планды түзүү, өндүрүштүк план жана финансылык план жана отчеттуулук темаларында тренинг өтүштү.

Бардык региондордо окутуу программасы аяктап, 45 бизнес долбоор  “Инновация сыйлыгына” талапкер катары катышууда. Чакырылган калыстар тобу 20-февралда алдын-ала сынак өткөрүп, эң мыкты 10 MVP (алгачкы минималдуу продукт) бизнес-планын тандап алышып ар бир проектке 2000 еврого чейин баш байге берилмекчи.

“Бизнес Старт” долбоору FSDS коомдук фонду , JIA Бизнес Ассоциациясы менен биргеликте ишке ашырылууда. Долбоор аймактагы бизнес тренерлердин жана ишкерлердин демилгесин жогорулатуу, ошондой эле бизнес-тренерлер менен аялуу топтордун өкүлдөрүнүн ортосундагы өз ара карым-катнаш аянтчасын түзүү, ишкердик баштайм деген аялуу топтордун демилгелерин колдоону көздөйт

 

Акыркылар

ЖИА мүчөлөрүнүн жалпы жыйыны

Подкаст: JIA бизнес-ассоциациясынын тарыхы

JIA Башкаруу кеңешинин кезектеги жыйыны болуп өттү

JIGER 2021 жаш ишкерлер форуму өттү

Ишкер айымдарга зарыл кеңештерди берген биринчи Call – центр ишке кирди

Бизнес Старт долбооруна 14 бизнес долбоору тандалып алынды